Ish-Miss Shqipëria ’95, Hygerta Sako, është një ndër më të komentuarat në mediat rozë. Edhe pse kanë kaluar shumë vite kur ajo ka marrë kurorën, vazhdon të jetë po aq e bukur. Sot, ajo është një moderatore sportive.
Tanimë që sezoni veror ka nisur, Hygerta na ka qerasur me foton me bikini nga plazhi, por është përballur me kritikat e ndjekësve për vendndodhjen krahas fotos.
“Spille, Durrës”, shkruhet në foton e saj dhe menjëherë ndjekësit i kanë komentuar se Spilleja është e Kavajës dhe jo e Durrësit.
Ky koment nuk ka mbetur pa rënë në vëmendjen e Hygertës e cila i është përgjigjur ndjekësve:
“Të ankohen në ‘Google”.
Po me jetën private të moderatores ç’po ndodh?
Në një intervistë për “Live from Tirana”, Sako foli për karrierën, planet e së ardhmes, të bijën e jetën private. A ka një partner në jetën e saj?
Hygerta shprehet se në Shqipëri, femrat në të 35-tat e tyre e kanë të vështirë të gjejnë dikë që i përshtatet, sidomos kur janë vetë të realizuara.
“Në fakt rriten standardet për një femër që është e realizuar, sa më shumë kalojnë vitet edhe standardet rriten. Kërkon nga vetja shumë, por edhe nga tjetri. Shqipëria është vend që nuk ka shumë hapësira për femra të moshës së pjekur sepse është mentaliteti që familja është e rëndësishme dhe duhet luftuar për të. Kështu është hapësirë më e ngushtë për një femër pas të 35-ave që të gjejë një partner të moshës së saj. Më duket mision shumë i vështirë”, – tregoi Hygerta.
