Ditën e sotme hyjnë në fuqi masat e reja anti-Covid që Komiteti Teknik i Ekspertëve i bëri me dije ditën e djeshme. Nga sot do të hiqet ora policore në vend, pra nuk do të ketë më kufizime nga ora 23:00 deri në 06:00 të mëngjesit.
Kryetarja e Komitetit të Ekspertëve, Mira Rakacolli deklaroi dje se mbetet i detyruar urdhri për vendosjen e maskës në ambiente të mbyllura si dhe në fuqi do të mbetet edhe ndalimi i grumbullimeve.
“Vaksinimi si e theksoi edhe profesoresha, duhet të vazhdojë që nga mosha 12-vjeç. Për qytetarët mbetet në fuqi paraqitja e pasaportës së vaksinimit dhe për ata që nuk i kanë këto dokumente vazhdon të mbetet në fuqi izolimi. Nga ky rregull bëjnë përjashtim fëmijët deri në 6-vjeç. Vazhdon të mbetet në fuqi rekomandimi për mbajtjen e maskës në ambientet e mbyllura. Mbetet në fuqi edhe masat për ndalimin e grumbullimeve në ambiente të mbyllura dhe të hapura. Sa i përket orës policore, mendohet të mos jetë më. Hiqet ora policore. Ndryshimi i këtyre masave do shkojnë në përputhje me situatë”, tha Rakacolli.
Zv/ministrja e Shëndetësisë Eugena Tomini deklaroi se java e fundit ka shënuar incidencën më të ulët duke vënë theksin te rëndësia e vaksinimit te popullsisë.
Discussion about this post