Operatori i Shpërndarjes së Energjisë Elektrike ka shtuar ndërprerjen e dritave në disa zona nëpër qytete të ndryshme të Shqipërisë. Me një vëzhgim të thjeshtë në “Facebook” vihet re se 14 qytete të Shqipërisë mbetën ditën e sotme për disa orë pa energji elektrike.
Dibër, Shkodër, Lezhë, Kurbin, Gramsh, Tropojë, Bulqizë, Ballsh, Tiranë, Sarandë, Pukë, Burrel, Kukës dhe Fier janë qytetet e Shqipërisë që u prekën nga këto stakime energjie për disa orë.
“Njoftim për abonentët. Stakim, 8 tetor. Në kuadër të investimit për fuqizimin e rrjetit të shpërndarjes, në datën 8 tetor gjatë intervalit kohor 09:00-16:00 do të mbeten pa energji këto zona ….“, thuhet në njoftimet që janë shpërndarë ditën e sotme.
Duket se këto janë efektet e parë të ‘krizës’ energjitike që u paralajmërua nga kryeministri Edi Rama dy ditë më parë.
