Qeveria ka vendosur të shtojë fondin për rindërtimin dhe vendimi për këtë çështje ka hyr tashmë në fuqi. Në vendimin e publikuar në Fletoren Zyrtare thuhet se, nga 4. 666. 179. 207 lekë që ishte fondi për rindërtimet në 9 bashki, do të bëhet 6. 526. 179. 207, pra 2 miliardë lekë më shumë.
“Fondit Shqiptar të Zhvillimit, në buxhetin e miratuar për vitin 2021, në zërin “Shpenzime kapitale me financim të brendshëm”, të programit 06210 “Programe zhvillimi”, i shtohet fondi prej 6 .526. 179 207 lekë pa TVSH, për rindërtimin e njësive të banimit në ndërtesa (pallat), të dëmtuara, në zonat e reja për zhvillim dhe rindërtim në të njëjtin truall, në bashkitë Durrës, Kavajë, Kamzë, Krujë, Kurbin, Mirditë, Lezhë, Shijak dhe Vorë”, thuhet në vendim.
Sakaq, bëhet me dije se efektet financiare do të përballohen; 2. 626. 734. 455 lekë nga hapësira buxhetore e siguruar pas ngurtësimit në të njëjtën masë të fondeve të projekteve të rindërtimit me ecuri të ngadaltë dhe 3 899. 444. 752 lekë nga shpenzimet e fondit të rindërtimit, miratuar për vitin 2021.
Discussion about this post