Prej muajit nëntor, për të hyrë në një kafene në Maqedoninë e Veriut do të kërkohet doza e dytë e vaksinës.
Ky vendim është marrë sot në mbledhjen e qeverisë, ku janë miratuar masa të reja të cilat vijnë me propozim të Komisioni për Sëmundje Ngjitëse.
Qeveria gjithashtu njoftoi se do të lejohet organizimi dhe mbajtja e seminareve, trajnimeve, kurseve, mbledhjeve, punëtorive, konferencave në pjesën e mbyllur me 50% të kapacitetit.
Vendimi lejon aktivitetet e bareve dhe klubeve të natës, diskotekave si dhe njësitë hoteliere me 50% të kapacitetit të hapësirës.
“Deri më 14 nëntor 2021 nevojitet vërtetim për vaksinim nga koronavirusi me të paktën një dozë të vaksinës, ndërsa nga 15 nëntori do të kërkohet doza e dytë e vaksinimit ose certifikatë se je infektuar në 45 ditët e fundit”, pohon qeveria atje.
