Elseid Hysaj ka folur për grupin e Shqipërisë dhe rëndësinë e eksperiencës së lojtarëve më të mëdhenj për të rinjtë e ekipit kombëtar.
Mbrojtësi kuqezi theksoi se po përpiqet të ndajë me të rinjtë përvojën e fituar gjatë karrierës së tij.
“Kam ndarë përvojë nga ato që kam kaluar në të kaluarën. Duhet t’i marrim të rinjtë dhe t’u japim një dorë për t’u rritur”, u shpreh Hysaj.
Ai vlerësoi cilësitë e lojtarëve të rinj, duke theksuar se ata nuk kanë nevojë për shumë ndihmë.
“Jam i kënaqur në këtë pjesë, kemi një skuadër shumë të fortë”, tha mbrojtësi.
Hysaj u ndal edhe te kundërshtarët e Shqipërisë në grup, duke e cilësuar garën të fortë.
“Finlanda dhe Bjellorusia kanë të njëjtin nivel me ne. Duhet ta kalojmë këtë grup dhe duhet të jemi të parët”, deklaroi ai.
Mbrojtësi foli gjithashtu për ndryshimet në mënyrën e lojës së kombëtares nën drejtimin e trajnerit.
“Trajneri po na jep një dorë për të bërë një lojë të bukur dhe më sulmuese”, tha Hysaj.
Sipas tij, reparti i mbrojtjes po përfshihet më pak në fazën sulmuese, ndërsa mesfusha dhe sulmi kanë shumë cilësi.
Hysaj shprehu besimin se Shqipëria ka potencialin për të zhvilluar një lojë më tërheqëse dhe për të synuar kreun e grupit.
Discussion about this post