Furtunë reagimesh pasi Elseid Hysaj këndoi “Bella Ciao”, këngë partizane. Ultrasit e Lazios njihen si ekstremistë të djathtë dhe nuk duruan.
“Hysaj është një krimb, Lazio është fashiste” është banderola e ultrasve që u shpalos në Romë, ndërkohë që klubi italian i ka dalë gjithë kohën në mbrojtje mbrojtësit të djathtë.
Hysaj, në miqësoren kundër Belluno u është përgjigjur tifozëve me një gol të shënuar me të majtën, diçka e pazakontë për shkodranin.
Në stadium kishte duartrokitje nga tifozët, ndërkohë që duhet parë në vazhdimësi nëse ata do të ndryshojnë qëndrim ndaj mbrojtësit të djathtë.
