Elseid Hysaj nuk a mundur të festojë siç duhet kthimin e tij si protagonist me skuadrën e Lacios. Mbrojtësi i Kombëtares shqiptare ka dhënë një asist në ndeshjen ndaj Kaljarit, por ka lënë fushën e lojës para kohë për shkak dëmtimi.
I rreshtuar titullar, në fundin e pjesës së parë ishte Hysaj ai që dha pasimin për Zakanjin i cili shënoi golin e avantazhit të përkohshëm 1-0 për bardhekaltrit.
Por në pjesën e dytë të ndeshjes, pas një ndalimi topi, Hysaj u ul në tokë dhe bëri menjëherë shenjë që kishte diçka serioze. Ai shtrëngoi gjurin e majtë të këmbës dhe mori menjëherë ndihmën e mjekëve të cilët e shoqëruan jashtë, teksa i vunë një fasho mbrojtësit.
Mbetet për t’u parë se sa shqetësues është ky dëmtim për lojtarin i cili në këtë periudhë kishte rifituar besimin e klubit dhe do futej në listën e Serisë A dhe në atë ët Ligës së Europës nga Lacio.
Discussion about this post