Sekretarja për Marrëdhëniet me Publikun pranë selisë blu, Jola Hysaj ka publikuar disa foto nga markata e Durrësit, duke ju kundërvënë kandidates socialiste për këtë bashki, Emirjana Sakon, e cila kishte publikuar një ditë më parë foto nga ky treg.
Në postimin e saj në Facebook, Hysaj thekson se imazhet e nxjerra nga Sako janë pjesë e propagandës dhe se nuk paraqesin realitetin, kjo pasi shumë prej tregtarëve kanë braktisur tregun.
Postimi:
Kur mashtrimi kap kulmin… e gomarin ta shesin për kalë…
Rastësisht pashë që pastruesja e D’ramës paska bërë xhiro tek markata në Durrës.
Bukur shumë, po të nxjerrë dhe ca imazhe të realitetit e jo të propagandës.
Gati 1/2 e tregtarëve të fruta-perimeve i kanë lënë stendat e tyre se nuk përballonin dot taksat progresive të bashkisë së Durrësit.
Një pjesë janë larguar totalisht jashtë shtetit.
Një pjesë e produkteve nuk kanë forcë blerje se çmimet janë në stratosferë, si pasojë produktet shkojnë dëm.
Ndaj i them pastruese së D’ramës, propaganda nuk çon asgjëkund.
#14majvotoniiglicarën #NdryshimiNeDuartETua #fitoremeiglin #voto #nr1 #BashkëFitojmë
Discussion about this post