Ish-kryenegociatori i Kosovës në dialogun me Serbinë, Skënder Hyseni, para takimit të kryeministrit, Albin Kurti dhe presidentit serb, Aleksandër Vuçiç, vlerëson se me këtë qeverisje vendi ynë e ka humbur rastin ideal që të forcojë pozicionin negociues dhe partneritetin me SHBA-të e BE-në.
Ai përmes një postimi në “Facebook”, ka thënë se dita e nesërme është ditë me shumë shqetësime e paqartësi.
Sipas tij kryeministri Kurti e presidentja Osmani e kanë dëmtuar dhe minuar pozicionin e Kosovës në raport me bashkësinë ndërkombëtare.
“Albin Kurti dhe Vjosa Osmani, me qasjen e tyre egocentrike e aventureske në dialog me Serbinë e ka dëmtuar dhe minuar keq pozicionin e Kosovës në raport me bashkësinë ndërkombëtare, sidomos me administratën amerikane, ndërsa ka forcuar pozicionin e Serbisë, duke e forcuar atë në relacionet ndërkombëtare si kurrë më parë”, ka shkruar Hyseni.
InFokus
Discussion about this post