Moderatorja e njohur Kiara Tito njoftoi një ditë më parë një lajm të trishtë, ndarjen nga jeta të një prej të afërmve të saj (kushëri).
“Një lajm që na tronditi të gjithëve familjarisht. Një nga njerëzit me shpirtin më të mirë, por aq i mirë ishe sa zoti të deshi për vete. U prehsh në paqe kusho”, shkruante Kiara.
Ndërkohë mediat italiane kanë zbuluar se Dorjo Duka, 30-vjeçari që u nda nga jeta, u përfshi në një aksident rrugor, teksa kishte udhëtuar drejt Italisë, për të fetuar ditëlindjen e një të afërmeje.
Duka ishte martuar pak ditë më parë dhe kishte shkuar në Itali nga Shqipëria, të shtunën së bashku me motrën e tij. Fatkeqësisht ai vdiq në një aksident rrugor, që ndodhi natën e së dielës së 21 janarit, pas përplasjes së tmerrshme kokë më kokë mes dy automjeteve, në Ponte Meduna, në zonën e Pordenones.
Në aksident u përfshi një Fiat Grande Punto-s, të cilën e drejtonte Duka dhe një Mercedes CLA. I vetmi ngushëllim në dramën që po përjetojnë të dashurit e tij dhe komuniteti shqiptar i zonës është fakti se kushëriri 25-vjeçar që ishte në makinë me të, ka arritur të mbijetojë. Ai është transportuar pas ngjarjes në gjendje të rëndë për në spitalin e Pordenones, por duket se tani gjendja e tij po përmirësohet.
Prokurori i Prokurorisë Publike të Pordenone, Federico Baldo, i cili si zakonisht hapi procedimin penal për veprën penale të dyshuar të vrasjes në rrugë (të rënduar nga dëmtimet shumë të rënda që i janë shkaktuar edhe pasagjerit të Puntos), ku përfshihej drejtuesi i Mercedesit, një 45-vjeçar nga Codognè, në zonën e Trevisos, nuk e gjykoi të nevojshme kryerjen e autopsisë së trupit të viktimës, pasi ishte e qartë se vdekja ishte vetëm për shkak të traumave shumë të rënda të raportuara në aksident.
Prandaj, në orët në vijim Prokuroria Publike do të lëshojë autorizimin për varrimin dhe kështu familja do të mund të riatdhesojë trupin e të dashurit të tyre në Tiranë, ku do të bëhet varrimi.
Duka, një i ri gazmor, gjithmonë i disponueshëm, i cili punonte në një kompani ndërtimi dhe, siç u përmend, ishte shumë i afërt me familjen e tij, la në dhimbje të pafund gruan e tij Irisin, me të cilën ishte martuar më 12 janar 2024 pas rreth 6 vitesh njohje me të.
Discussion about this post