Vrasja e djeshme në Laknas ka ndodhur për kanalizimin e ujërave të zeza. Këtë fakt e dëshmojnë edhe të afërmit e viktimës, Shefqet Hasës.
Në një prononcim për mediat, i afërmi i viktimës ka dhënë detaje për ngjarjen, ku humbi jetën 65-vjeçari Hasa dhe mbeti i plagosur 50-vjeçari Besnik Keça.
“Konflikti ka qenë vetëm për ujërat e zeza. Autori i masakrës nuk i ka lejuar pusetën. Ajo ka qenë një pusetë e përgjithshme. Ai pastaj e ka mbyllur pusetën. Pastaj këta i kanë bërë vetë si lagje 100 e sa metra. Më pas ka ardhur dhe i ka thënë se “unë do i fus prapë aty” se në tokën e vet nuk i ka lejuar dhe i ka bërë privatisht. Ka dashur sërish që të prishë rrugën, ndërkohë që ajo ishte e bërë me kanalizme dhe me të gjitha. Këta nuk i kanë lejuar. Konfliktin e dinë të gjithë bashkia. Dëgjova se thanë mbrëmë se nuk ka dijeni Shefi i Rajonit 5, ai ka qenë në dijeni”, tha i afërmi i viktimës për mediat.
Pyetje: Sa herë kanë shkuar në komisariat për këtë konflikt?
I afërmi: Mbi 3-4 herë kanë shkuar në polici për këtë konflikt dhe e kanë lënë atje autorin, por prapë e kanë lënë në heshtje. Autori nuk është bindur. Pastaj dje që ka ndodhur rasti më i rëndë, ka dalë dhe i ka vënë etiketa aty dhe ka thënë se “do ta çaj se nuk bën më”. Ai komshiu që është në spital sot që është plagosur, i ka thënë që “nuk bëhet llaf se të kemi lutur dhe nuk ke dashur”. Pastaj ka dalë me çunin e hallës tim dhe i ka thënë se këtu është problemi, i ka thënë “mos u merr me të fare edhe do të shkojmë ta denoncojmë në polici se 10 vjet ky muhabet”. Pastaj ka gjuajtur, çunin e hallës time e ka vrarë dhe pasi e ka plagosur e ka ndjekur mbrapa deri tek kjo shtëpia dhe aq ishte muhabeti.
Discussion about this post