I akuzuar për plagosje e vjedhje, arrestohet 30-vjeçari shqiptar

Policia italiane arrestoi në Padova një 30-vjeçar shqiptar, i shpallur në kërkim në mungesë nga Gjykata e Milanos, për plagosje dhe vjedhje.

Ishte një kontroll policor në automjetin ku udhëtonte shqiptari dhe partnerja e tij 23-vjeçare që çoi në zbulimin e tij, por që arriti ti shpëtojë policisë në tentativën e parë për ta ndaluar.

Shqiptari ka arritur të largohet, ndërsa policia shoqëroi partneren e tij, të cilës iu kërkuan shpjegime. Sipas raportimeve, e reja në dëshminë e saj tha se nuk e dinte arsyen e arratisjes së partnerit të saj, ndërsa policia e liroi, për ta ndjekur më pas.

E reja takoi shqiptarin në një hotel, atje ku edhe u arrestua nga policia.