Në seancën e sotme gjyqësore, Gjykata e Posaçme vendosi të kalojë për gjykim dosjen e dorëzuar nga SPAK për ish-truprojën e Saimir Tahiri, Hekuran Marku. Ai akuzohet për trafik droge, si pjesë e grupit nga ku u arrestua edhe ish-ministri i brendshëm. Para trupës gjykuese Marku mohoi akuzat, duke kërkuar gjykim të shkruar. Ai tha se vetëm ka bërë detyrën dhe ka qenë në mbrojte të Tahirit, por nuk ka dijeni për asgjë tjetër. S’kam lidhje me akuzat. Nuk kam kryer asnjë veprim të tillë. Kam qenë në ruajtje fizike të ministrit Saimir Tahiri dhe rregjistrat tregojnë lëvizjet e mia dhe që s’jam marrë me drogë. Kërkoj gjykim të shkurtuar, i ktheva nga Gjermania, ku jam I regjistruar me dokumente e pune të ligjshme, për këtë proces.” – u shpreh Marku.
Kujtojmë se, në gusht të vitit të kaluar Hekuran Marku u ndalua në Gjermani pas kërkesës së Prokurorisë së Posaçme. Emri i tij doli në operacionin ndërkombëtar të koduar “Shpirti”, akuzuar si pjesëmarrës në veprimtaritë kriminale të drogës.
Discussion about this post