Gjergji Kohila, ish-shefi i krimit kundër narkotikëve në Vlorë i akuzuar si i përfshirë në trafik droge është lënë në masën e arrestit me burg nga gjykata. Kohila u vetëdorëzua 3 ditë më parë pasi ishte i shpallur në kërkim dhe i dënuar në mungesë.
Gjergji Kohila është një prej zyrtarëve të policisë ndaj të cilit prokuroria lëshoi urdhër-arresti në 2017, pasi dyshohet si i përfshirë në dosjen ‘Habilaj’ për trafikun e kanabisit. Bwhet me dije se, GJKKO e ka dënuar me 12 vite burg Kohilën ndërsa ai përfiton nga gjykimi i shkurtuar ku i takon të bëjë 8 vite burg.
Ish-shefi i Policisë është përfshirë në trafikun e mbi 3 ton kanabis sativa nga Shqipëria drejt Italisë, në kuadër të grupit të organizuar kriminal të drejtuar nga Habilajt. Gjergj Kohila, Jaed Çela dhe Sokol Bode ishin tre zyrtarët e policisë të shpallur në kërkim për përfshirje të trafikun e drogës. Aktualisht në burg është vetëm Jaeld Çela, i cili u vetëdorëzua për tu përballur me drejtësinë, për akuzat e trafikut të drogës.
Discussion about this post