I akuzuar për tre vjedhje, arrestohet 26-vjeçari në Dibër

Policia e Dibrës ka finalizuar operacionin e koduar “Nightwalker”, ku ka arrestuar një 26-vjeçar, banues në Peshkopi, i akuzuar si autor i vjedhjeve të ndodhura më parë.

Mësohet se 26-vjeçari gjatë orëve të vona të natës, dyshohet se ka kryer disa vjedhje në fshatin Arras dhe në qytetin e Peshkopisë, në një kancelari dhe në banesa. Ndërkohë Policia po vijon punën për  dokumentimin e  vjedhjeve të ndodhura më parë, që dyshohet se janë kryer nga ky person.

Materialet i kaluan Prokurorisë së Rrethit Gjyqësor Dibër, për veprime të mëtejshme.