Një artizan 32-vjeçar nga Carrara i identifikuar si Daniele Bedini po hetohet zyrtarisht nga policia për vrasje e shqiptares Nevila Pjetri.
Sipas mediave italiane 35-vjeçarja u vra me dy të shtëna me pistoletë të kalibrit 22 në kokë. Mjeku ligjor Susanna Gamba konstatoi rezultatin e autopsisë. Gjuajtja e parë është qëlluar në ballë, tjetra pas veshit të majtë.
I arrestuari mësohet se është një artizan, djali i një marangozi dhe dyshohet se ka qëlluar me pistoletën e babait të tij.
Ndërkohë pak më shumë se 24 orë pas vrasjes së shqiptares, është vrarë një tranvestit 43-vjeçar i identifikuar si Carlo Bertolotti. Trupi i tij u gjet në Sarzanë, një zonë bujqësore që përshkohet nga disa përrenj të vegjël, jo shumë larg vendit ku u gjet trupi i Nevilës. Zona ku u gjet trupi i 43-vjeçarit frekuentohej nga tranvestitë që prostituojnë në rrugë.
Ndërkohë Daniele Bedini deklarohet se nuk ka lidhje me faktet . Këtë e ka bërë të ditur avokati i tij i besuar, Rinaldo Reboa, i cili shton: I vetmi element që i ka shtyrë hetuesit të ndalojnë klientin tim është kallëzimi i vjedhjes së armës në pronësi të babait të Daniele Bedinit, i zyrtarizuar pak ditë para vrasjeve. Babai i klientit tim kishte denoncuar vjedhjen e armës së mbajtur rregullisht, e cila ende nuk është gjetur dhe e cila për momentin është vetëm në përputhje me plumbat e gjetur pranë kufomave. Dhe pasi klienti im është një paragjykues, e kanë mbyllur rrethin rreth tij.
Në zonën ku kanë ndodhur të dy krimet nuk ka kamera sigurie, gjë që ka vështirësuar punën e hetuesve, por ata po kërkojnë në telefonat e viktimave ku është e sigurt se mund të gjejë numra të klientëve.
Discussion about this post