I ati i vrau nënën, vajza e Gjyljeta Ukellës prin protestën në Kosovë

Qytetarët e Kosovës janë ngritur ditën e sotme në protest për ti thënë stop vrasjes së grave

Kjo protestë vjen një ditë pas vrasjes së 42-vjeçares Gjylejta Ukella e cila u vra nga bashkëshorti i saj. Në këtë marshim ka marrë pjesë edhe vajza e së ndjerës, Gjyljeta Ukella e cila po udhëheq protestën në Pejë.

Marshimi që ka nisur në orën 11:00 nga Qendra e qytetit vazhdon tek objektet e Policisë, Gjykatës Themelore dhe Prokurorisë Themelore në Pejë.

Presidentja e Kosovës, Vjosa Osmani ka shpallur sot ditë zie në Kosovë. Ky vendim vjen pasi brenda pak ditësh janë vrarë dy gra nga bashkëshortët e tyre. Ndërkohë, në Kosovë situata po cilësohet si alarmante, teksa po kërkohen veprime urgjente për të parandaluar vrasjen e grave.