Hekuran Tafa, babai i fermerit Elton Tafa, i arrestuar mëngjesin e sotëm së bashku me dy shtetas të tjerë për tregtimin e mandarinave me pesticide të rrezikshme për shëndetin, deklaron se djali i tij është i pafajshëm.
I tronditur nga lajmi për arrestimin e djalit të tij, Hekuan Tafa i bën apel shtetit të bëj drejtësi. Ai ka deklaruar për News24 se djali i tij nuk e ka marrë mbrapsht produktin e mandarinave të kthyera nga Kroacia, ndërsa shton se ai ka marrë një gjobë nga AKU dhe i është thënë që produkti do të groposet.
Në lidhje me pesticidin “phosmet” që thuhet se është gjetur në manderina, Hekuran Tafa pohon se nuk kemi të bëjmë më asgjë helmuese pasi mandarinat i kanë ngrënë të gjithë ata si familje.
Duke deklaruar se askush nga fermerët nuk e dinte që ky pesticid nuk lejohej nga BE, jashtë kamerave Hekuran Tafa deklaron se këtë pesticid e përdorin të gjithë fermerët.
Discussion about this post