Prej vitesh kur ai jetonte me gjyshërit e vetë, e ëma e Aldi Ramës nuk u bë kurrë “e gjallë”, kur ai kishte më shumë nevojë për të. Sot ajo ka zgjedhur të “kapërcejë”, ngjarjen e rëndë të vdekjes së të birit me anë të një postimi në rrjetin social Facebook. Ajo ka postuar, një foto të Aldi Ramës teksa ka vendosur në shenjë zie shiritin e zi për të “nderuar” kujtimin e të birit.
Theksojmë se vetëm pak ditë më parë, në një prononcim për mediet jashtë kamerave, gjyshërit kanë thënë se faji për këtë ngjarje ishte i të dy prindërve të 21-vjeçarit. Rama banonte me gjyshërit e tij ndërkohë që prindërit jetonin në një vend tjetër.
Kujtojmë se 21-vjeçari qëlloi për vdekje dy ditë më parë oficerin Saimir Hoxha në Lezhë. Pas krimit ai u arratis për 5 orë dhe ishte në ndjekje të vazhdueshme nga forcat e policisë. Gjatë orëve të fundit të arratisë ai tentoi vetëvrasjen. Në momentin kur u gjet nga efektivët e policisë, i riu u dërgua në spitalin e Traumës aty ku dhe humbi jetën mëngjesin e sotëm.
