Agim Meta, babai i të riut që vrau veten mbrëmjen e sotme në komisariatin e Kavajës, Ilvi Meta ka treguar se djalin e akuzuan për vjedhjen e një dere alumini.
“Polici qensh, polici qensh janë, e morën paradite bënë kontroll në shtëpi, edhe thanë do ta sjell, s’ka gjë s’ka gjë edhe ikën. E akuzuan për vjedhjen e një dere alumini. Nuk e di, unë isha në një lokal duke pirë kafe me një shok, vetëm kur më thanë Agim ik tek shpia se ka ndodh diçka. Kur shkova në shtëpi gjeta gruan,vajzën duke qarë. Nuk më kanë thënë asgjë, qoftë policia, kryeministri Edi Rama që mos e bëfshin pikën e hajrit. Nuk e di s’më ka ardhur asnjë informacion”, tha babai.
Dyshohet se i riu ka vrarë veten me çarçaf. Grupi i dhomës së paraburgimit ka tentuar të japë ndihmën e parë, por ka qenë e pamundur.
Mësohet se i riu ka qenë me precedent të mëparshëm penal pasi më herët ishte arrestuar për disa vjedhje.
Është ngritur një grup i posaçëm hetimor nën drejtimin e Prokurorisë së Rrethit Gjyqësor Kavajë i cili ndodhet në vendngjarje dhe po punon për sqarimin e rrethanave të ngjarjes.
Discussion about this post