Rreth 90 fëmijë të një shkolle fillore në Pulamadibogo, një fshat në veri-perëndim të Afrikës së Jugut, janë shtruar në spital pasi kanë konsumuar kroasanë që dyshohet se përmbanin kanabis.
Pasi gëlltitën ëmbëlsirat, nxënësit ndjenë menjëherë marrje mendsh dhe dhimbje stomaku dhe të gjithë u dërguan në spitalet pranë shkollës.
Ndërkohë, testet toksikologjike janë duke u kryer për të konfirmuar nëse kanabisi ishte apo jo i pranishëm brenda ëmbëlsirave.
BBC duke cituar zyrtarët lokalë bën me dije se nxënësit i kishin blenë ëmbëlsirat, të njohura edhe si “biskotat hapësinore”, nga shitësit ambulantë gjatë rrugës për në shkollë.
Shitësit, të identifikuar, u arrestuan nën akuzën për tentativë vrasje. Shitësit e ëmbëlsirave me janë dy djem të moshës 19 deri në 21 vjeç, të cilët do të dalin para gjykatës së magjistraturës Soshanguve.
Megjithatë, helmimi ka shkaktuar shumë shqetësim tek prindërit në lidhje me sigurinë e fëmijëve të tyre.
Në fillim të vitit 2023, partia e Aleancës Demokratike (DS) bëri thirrje për më shumë kontroll mbi shitësit ambulantë, pasi tetë fëmijë ishin shtruar tashmë në spital pasi kishin ngrënë të ashtuquajturat “biskota hapësinore” jashtë shkollës.
Discussion about this post