Ka nisur me debate seanca e sotme plenare mes opozitës dhe mazhorancës në Kuvend.
Shkak është bërë deklarata e kryeministrit Edi Rama i cili mendoi të bëjë propagandë duke zbuluar sa do të jetë shuma e bonusit të fundvit për pensionistët.
Prej më shumë se 12 vitesh, qeveria shqiptare ka braktisur moshën e tretë por në prag të zgjedhjeve Edi Rama është “zgjuar” duke i premtuar një bonus të majmë me qëllim që të “rrëmbejë” vota nga kjo kategori.
Rama u shpreh se çdo i moshuar i cili e ka pensionin më të ulët se 200 mijë në muaj, do të marrë shpërblim prej 150 mijë në fundvit, ndërsa ata që kanë një pension më të lartë se 200 mijë, do të marrin një bonus me vlerë 100 mijë lekësh të vjetra.
“Dua t’u përcjell të gjithë pensionistëve të Shqipërisë lajmin mirë se në ditët në vijim qeveria do të çlirojë një fond prej afër 100 mln eurosh për bonusin e tyre të funditit që do të ndahet në 2 shkallë. Ata që kanë një pension deri në 20 mijë lekë të reja, do të marrin 3 fishin e bonusit të deridjeshëm përmes një bonusi të ri prej 150 euro, ndërsa ata që kanë pension më të madh ese 20 mijë lekë do të marrin 2 fishin e mëparshëm, pra 100 euro. Ky dallim mes të parëve dhe të dytëve nuk bëhet për t’u dhënë më pak atyre me pension më të lartë, por për t’u dhënë më shumë atyre që kanë pension më të ulët”, tha Rama.
Teksa kryeministri Edi Rama ishte sot i pranishëm në seancën plenare për të folur për buxhetin, deputetët e PD-së i kanë kërkuar llogari për paratë që biznesmeni italian Francesco Becchetti i mori Shqipërisë në arbitrazh.
Ligjvënësit demokratë po i kërkonin llogari kryeministrit Rama, ndërsa kryetari i grupit parlamentar Gazment Bardhi ku drejtua duke i thënë “Ku janë paratë e Bechetit?”.
Discussion about this post