Ndeshja e Atalantës me Salernitanën nuk përfundoi aspak mirë për Merir Demiral, i cili pësoi një dëmtim shumë të rëndë në fytyrë. Mbrojtësi turk u godit me bërryl nga Gjuric, i cili i shkaktoi një të çarë në vetull, nga ku i doli shumë gjak.
Sikur të mos mjaftonte kjo ngjarje ai u dënua edhe me karton të verdhë nga arbitri i ndeshjes.
Ndërsa ka reaguar pas incidentit që i kushtoi disa të qepura në fytyrë, shoku i skuadrës së Berat Gjimshitit është revoltuar në rrjetet sociale dhe ka thënë se përveç dëmtimit ai mori dhe një karton të verdhë, të cilin e ka cilësuar si të padrejtë.
“Unë mora një karton të verdhë pas kësaj.”-shkruan ai në ‘Instagram’, teksa ka vendosur dhe foton ku duket fytyra e mbuluar me gjak.
Arbitri i këtij takimi, Paolo Valeri paralajmëroi Gjuric, ndërsa më pas i drejtoi kartonin e verdhë Demiral për shkak të protestave të tij.
Lojtari turk, i cili pas daljes nga fusha u zëvendësua nga Gjimshiti kërkoi nxjerrjen nga ndeshja të Gjuric, por në vend të kësaj gjyqtari dënoi me të verdhë atë vetë./K.T/Gijotina.com
