Në Fun Club ditën e djeshme u diskutua tema e daljes së banorëve nga Big Brother Vip . Tani tregoi se si kishte përgatitur tre herë valixhen dhe nuk kishte dalë. Ai tregoi gjithashtu se nuk e priste të shpëtonte nga eliminimi kur ishte në televotim me Egzonën, por ja që ia doli.
Në studio ka qenë dhe Beatrix e cila shprehu disa rezerva për Egzonën me të cilën ka pasur disa situata jo të mira brenda shtëpisë për shkak të afrimitetit me Donaldin. Pavarësisht se moderatorja nga Kosova tha se e shikonte si mik, Trixa nuk mendon kështu. Madje, shtoi se mundohej shpeshherë të merrte vëmendje.
“Pikëpyetja më e madhe kjo ka qenë. Ajo rrinte me Donaldin dhe mua më thoshte se unë nuk kam qëndruar me të prej teje. Çfarë do më shumë.”, tha Trixa. “Një ditë kisha parë një ëndërr të keqe dhe Monika mundohej që të më qetësonte. Ndërkohë pas një ore, ajo ishte duke qarë se kishte parë një ëndërr dhe po mundohej të merrte vëmendje.”, tha ajo.
E teksa biseda ishte në këto rryma, një reagim i Trixës solli të qeshura në studio.
Tan Bama: E fundit ishte Egzona, bëm provat gjenerale përpara.
Iva Tiço: Nuk e priste askush në fakt që do t’i përcillte të gjithë.
Beatrix Ramosaj: Unë i çmenda komshinjtë kur doli Egzona.
Iva Tiço: E kapi viralen tjetër Trixa.
Kujtojmë që të njëjtën frazë ajo e ka përdorur kur ishte pa u futur në BBV, tek takimi që Donaldi zhvilloi me ish të dashurën e tij Bora Zemanin, moment të cilin moderatorja e ka postuar në Instagram dhe ka qenë këngëtarja ajo që ka komentuar: I çmenda komshinjtë, duke brohoritur për dashurinë tuaj”.
Discussion about this post