I dashuri e hodhi nga kati i 6, detaje nga vdekja e argjentinases

Të tjera detaje janë zbardhur në lidhje me vrasjen e shtetases argjentinase Maria Clara Urdangaray nga i dashuri i saj në Kosovë.
E reja ndërroi jetë më datë 1 gusht, kur Endrit Nika e hodhi nga kati i 6 i hotelit ku ata po qëndronin së bashku në Fushë-Kosovë.
Mediat spanjolle kanë hedhur dritë mbi këtë ngjarje, e cila fillimisht u dyshua se ishte rënie aksidentale, por më pas u zbulua krimi i rëndë që kishte ndodhur pas një konflikti mes çiftit. Sipas raportimeve, ata janë zënë ashpër me njëri-tjetrin pas një feste ku kishin shkuar, dhe teksa Nika ishte nën efektin e drogës dhe alkoolit e ka shtyrë 27-vjeçaren nga ballkoni dhe për pasojë ajo ka humbur jetën në vend.
E reja kishte jetuar prej disa muajsh në Evropë dhe ata ishin njohur gjatë një udhëtimi. Pasi qëndruan të lidhur vendosën të zhvendoseshin në Zvicër, ku shqiptari jetonte prej vitesh.
Nuk dihet nëse ata ishin fejuar, por në profilet përkatëse në Instagram, të dy kishin vendosur inicialet e njëri-tjetrit së bashku me një unazë fejese. Po ashtu, prindërit e të dyve ishin në dijeni për lidhjen dhe bashkëjetesën e tyre.
I riu ishte tifoz futbolli, e mbi të gjitha i klubit të Barcelonës raportohet nga mediat spanjolle, e po ashtu nuk nguronte që në rrjetet sociale të tregonte pjesë nga udhëtimet e tija.
Prindërit e vajzës e morën vesh për vdekjen vetëm pasi shoqja e të resë kishte parë një postim në rrjetet sociale dhe ua tregoi atë atyre.