Një 30-vjeçar ka rënë në prangat e policisë, pasi drejtonte mjetin në gjendje të dehur dhe mbante me vete armë gjahu pa leje.
Mësohet se, shërbimet e Policisë, në aksin rrugor Lezhë-Mabë, kanë ndaluar një automjet tip “Benz” që drejtohej nga B.B., 30 vjeç, banues në Shkodër. Në momentin që ky automjet është ndaluar nga punonjësit e Policisë dhe po i nënshtrohej kontrollit, drejtuesi i mjetit i mjetit ka rezultuar që drejtonte mjetin në gjendje të dehur, në masën 1.02 mg/ l.
Gjithashtu, gjatë kontrollit të ushtruar në automjetin e tij, u gjet edhe një armë gjahu pa leje, e cila u sekuestrua në cilësinë e provës materiale bashkë me automjetin.
Në përfundim të veprimeve hetimore u bë arrestimi në flagrancë i B.B., 30 vjeç, për veprat penale “Mbajtja pa leje e armëve të gjahut” dhe ” Drejtimi i mjetit në mënyrë të parregullt”. Materialet i kaluan Prokurorisë pranë Gjykatës së Shkallës së Parë Lezhë, për veprime të mëtejshme procedurale.
