Shoferi i cili mesnatën e djeshme shkaktoi një aksident të rëndë në qytetin e Durrësit, është arrestuar nga policia.
Burime për gijotina.com bëjnë me dije se i arrestuari është identifikuar me iniciale F. T., 37 vjeç.
Ky person sipas policisë ishte në gjendje të dehur dhe me shpejtësi përtej normave të lejuara dhe për pasojë ka humbur kontrollin e makinës dhe ka përplasur 5 makina të tjera që ishin të parkuara.
Ngjarja ndodhi në rrugën “Taulantia”, Durrës, ndërkohë u raportua se shoferi që shkaktoi aksidentin u largua nga vendi i ngjarjes, por sot është arrestuar nga policia.
Fatmirësisht nuk ka pasur persona të lënduar nga aksidenti, por ka dëme materiale të shumta tek të gjitha makinat.
Pritet që të zbardhen detaje nga ngjarja pas marrjes në pyetje të të arrestuarit nga policia.
