I dehur godet xhamin e banesës dhe pritet, humb jetën i riu

Një i ri ka humbur jetën në spitalin e Elbasanit, pasi dyshohet se u pre në krah pas goditjes së një xhami.

Sipas burimeve zyrtare nga policia lokale, rreth orës 17:30 të ditës së djeshme A. S., 27 vjeç, banues në fshatin Gjinar, u dërgua në spitalin e Elbasanit për të marrë ndihmë mjekësore.

Nga veprimet hetimore paraprake, shtuan të njëjtat burime, dyshohet se 27-vjeçari, në gjendje të dehur dhe në kushte të rënduara psikologjike, ka thyer xhamin e dritares së banesës së tij dhe si pasojë është dëmtuar në krah.

Pavarësisht asistencës mjekësore, 27-vjeçari ka humbur jetën në spital, mëngjesin e sotëm.