I dehur në timon, 23-vjeçari shkakton kaos në rrugët e Tiranës

Një 23-vjeçar ka përfunduar në prangat e policisë së Tiranës pasi nuk iu bind urdhrit të efektivëve rrugorë për të ndaluar.

I riu, i cili drejtonte mjetin në gjendje të dehur, kryente manovra të rrezikshme në rrugë duke rrezikuar jetën e këmbësorëve dhe mjeteve të tjera në qarkullim.

“S. M., 23 vjeç, banues në Tiranë, pasi duke drejtuar automjetin, në gjendje të dehur, ka kryer manovra të rrezikshme, nuk i është bindur urdhrit të punonjësve të Policisë për të ndaluar dhe është larguar me shpejtësi.

Gjatë largimit, 23-vjeçari ka humbur kontrollin mbi drejtimin e automjetit dhe për pasojë automjeti ka dalë nga rruga”, thuhet në njoftimin e policisë.