Policia e Korçës ka vënë në pranga tre persona për vepra të ndryshme penale. Sipas njoftimit, është arrestuar A. M., 25 vjeç, banues në fshatin Zvirinë, Maliq, pasi në banesë dyshohet se ka ushtruar dhunë fizike ndaj bashkëjetueses së tij R. H., 20 vjeçe.
Gjithashtu, në pranga ka rënë F. Xh., 62 vjeç, banues në fshatin Vloçisht, Maliq, pasi në afërsi të këtij fshati u kap duke drejtuar në gjendje të dehur, mjetin tip “Benz”, si edhe J. H., 60 vjeç, banues në Maliq, pasi u kap duke drejtuar pa leje drejtimi mjetin tip motor “Infinity”.
Ndërsa, u procedua penalisht H. P., banues në fshatin Çervenakë, Pogradec, pasi ka djegur me zjarr një sipërfaqe me bimësi në pronësi të tij, ku ka pësuar djegie trupore dhe është dërgua në Tiranë për mjekim më të specializuar.
Materialet në ngarkim të tyre i kaluan Prokurorive së Rretheve Gjyqësore Korçë e Pogradec për veprime të mëtejshme.
