Gjykata e Posaçme Antikorrupsion vendosi t’i depozitojë aktet SPAK-ut për deputetin e Partisë Demokratike Qani Xhafa për ta hetuar, lidhur me aksidentin e shënuar më 13 mars të vitit 2023 në bulevardin Qemal Stafa, në Elbasan.
Vendimi u mor nga gjyqtari Erjon Çela, i cili shqyrtoi në seancën e kësaj të hënë kërkesën e Gjykatë së Elbasanit, që shpalli mos kompetencë lëndore për çështjen e deputetit.
Tanimë, Prokuroria e posaçme do të marrë në shqyrtim dosjen e deputetit, ku pas kryerjes së hetimeve do ia referoi GJKKO-së për veprime të mëtejshme.
Ndaj Qani Xhafës është ngritur akuza për drejtim mjeti në gjendje të dehur. Aksidenti u shënua në kohën kur Xhafa ishte kandidat për deputet. Nën drejtimin e automjetit, ai u përplas me trafikndarësen. Sipas akuzës, Xhafa ishte në gjendje të dehur.
Pasi Luçiano Boçi la mandatin për të garuar për kryetar Bashkie, automatikisht Qani Xhafa u fut në parlament.
Discussion about this post