I dehur përplasi një makinë dhe u arratis nga vendi i ngjarjes, arrestohet 60-vjeçari në Korçë

Një 60-vjeçar me iniciale B.P. është arrestuar nga policia pasi duke drejtuar makinën në gjendje të dehur është përplasur me një automjet tjetër dhe më pas është larguar nga vendi i ngjarjes.

Burime policore bëjnë me dije se ngjarja ka ndodhur në lagjen nr. 13, Korçë, ku 60 vjeçari duke drejtuar në gjendje të dehur mjetin tip “Benz”, ka përplasur mjetin tip “Volkswagen” me drejtues K. R., duke i shkaktuar dëme materiale dhe më pas është larguar nga vendi i ngjarjes.

Paraprakisht dyshohet se shkak është bërë shpejtësia përtej normave të lejuara ndërsa policia nuk ka qenë në patrullim. Pritet të zbardhen detaje pas marrjes në pyetje të të arrestuarit, për të cilin materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.