Lojtari me origjinë shqiptare i Arsenal, Granit Xhaka ka javë që qëndron jashtë fushës së blertë prej një dëmtimi të rëndë në ligamentet e gjurit.
Klubi i ‘The Gunners’ ka bërë me dije së fundmi se kur do të rikthehet mesfushori që është pjesë e Kombëtares zviceriane në stërvitje.
Xhaka ka që më 26 shtator që nuk luan dhe duket se do presë deri në 2022 që të zbresë në stërvitje me pjesën tjetër të skuadrës.
“Granit Xhaka ka të lënduar gjurin e djathtë, por është duke bërë përparim të mirë në fazat fillestare të shërimit. Xhaka vuan nga një lëndim i ligamentit medial të gjurit të pësuar më 26 shtator. Synimi aktual është që Graniti të rikthehet në stërvitje të plota në fillim të vitit të ri”,-ka njoftuar klubi i Arsenal në fazën zyrtare.
Këtë sezon ai ka marrë pjesë në vetëm pesë takime të Arsenal, para se dëmtohej rëndë në derbin londinez kundër Tottenham./K.T/Gijotina.com
Discussion about this post