Barcelona dhe Samuel Umtiti kanë gjetur një zgjidhje për të ardhmen e të dyja palëve. Ndonëse francezi nuk donte që të largohej nga ‘Camp Nou’ , pas tre vitesh në të cilat ai më shumë ka qëndruar jashtë fushës për shkak të një dëmtimi të marrë në gju tashmë ai duhet t’i japë dorën ‘Blaugranas’.
‘Mundo Deportivo’ raportoi se madje Barça i ofroi të largohej i lirë dhe të fillonte bisedimet me klub tjetër, por kjo gjë u refuzua nga Umtiti. Ndërsa pasi pa qartë që nuk ishte planet e trajnerit Ronald Koeman, francezi e kuptoi se në Katalonjë nuk ka një vend për të.
Barça dhe agjenti i lojtarit po punojnë krah për krah me propozimet e ndryshme që kanë në tryezë. Përveç Olympique de Lyon, Roma është klubi tjetër që ka shfaqur interes për lojtarin.
Ndonëse klubi i Barçës do të preferonte një transferim, në ditët e sotme asnjë klub nuk dëshiron të rrezikojë të nënshkruajë me një futbollist që nuk ka luajtur për tre vjet, ndaj dhe një huazim do të ishte një mundësi e mirë lëvizjeje për francezin./Gijotina.com
