Vrau dhe përdhunoi, gjykata njeh dënimin me 25 vite burg për Pajën

Gjykata e Tiranës ka vendosur të njohë dënimin e dhënë nga gjykata e Milanos, për Arben Pajës, duke vendosur vuajtjen e 25 vite burgim në Shqipëri.

Vendimi për Ilir Pajën është marë ditën e sotme, nga gjykata e Tiranës e cila pranoi kërkesën e prokurorit Endrit Bimi, për dënimin e Pajës me 25 vite heqje lirie.

Miku i ngushtë i Emiljano Shullazit, rezulton i dënuar me 25 vjet burgim për një krim të kryer në Milano të Italisë, ku mbeti i vrarë shtetasi ekuadorian, Ramires Saca Louis Gonzalo dhe i plagosur Orellana Calle Jose Enrique.

Dënimi me burgim për Ilir Pajën është dhënë si bashkim i dënimeve edhe për veprën penale të rrëmbimit dhe përdhunimit të një shtetase rumune, LASCAR Nina Alexandra dhe “Mbajtjes pa lejë të armëve të zjarrit”.

Vrasja i ekuadorianit dhe përdhunimit të rumunes, është kryer 6 muaj pasi Paja ishte arratisur nga burgu i Perugias dhe qëndronte në Milano së bashku me Gentian Makshian.

Dosja

Sipas dosjes italiane, fillimisht Ilir Paja është arrestuar në Itali në 27 Prill 2006 në zonën e Perugias, pasi autoritet e Drejtësisë Gjermane, kishin lëshuar në 20 korrik 2005 një mandat arresti për Pajën, të cilin e akuzonin për vrasje.

Nga data 27 korrik 2006 kur është arrestuar për llogari të Gjermanisë, dhe deri në 11 qershor 2006, Paja rezulton të jetë mbajtur në ambientet e burgut të Perugias. Por teksa kishte nisur gjyqi për ekstradimin e tij në Gjermani, në datën 11 qershor, Paja, ka mundur të arratiset dhe është provuar që ka gjetur strehim në qytetin e Milanos.

Nga përgjimet e kryera të një rrethi shoqëror shqiptarësh në Milano, është mësuar nga Italianët se Paja qëndronte në Milano, nën shoqërinë e një tjetër shqiptari, të quajtur Gentian Makshija, ky i fundit tashmë i dënuar në Itali.

Për shkak se këta dy personazhe u përfshinë në një vrasje të ndodhur në 2 shtator 2006, policia Italiane mundi ti arrestojë ata në 4 shtator. Pikërisht nga kjo datë, Ilir Paja ka qëndruar i arrestuar deri në 14 gusht 2007, pasi teksa po e transportonin me ambulancë nga Livorno për në burgun e Carinolas në Itali, ai ka arritur të arratiset përsëri.

Përmes hetimeve të kryera nga autoritet italiane, është provuar se Paja, ka mundur të dalë nga territori Italian, duke u futur në Shqipëri, ku ka qëndruar i strehuar. Ndërsa miku i tij Gentian Makshia, ka dalë para gjykatës së Milanos duke u dënuar në Itali.