I dënuar 25 vjet në Itali, merret i pandehur për pastrim parash

Prokuroria e Durrësit, ka përfunduar hetimet duke dërguar si të pandehur në gjykatë, Hasan alias Asjan Buçeza.

Ai akuzohen për “Pastrim të produkteve të veprës penale”, pasi siç rezulton në materialin hetimor, Buçeza, është përfshirë në një grup kriminal për trafik droge.

Përveç akuzës së ngritur nga prokuroria, kjo e fundit ka vendosur sekuestrimin e disa nga pasurive kryesore të Buçezës, të cilat ndodhen në zonën e “Plepave” në qytetin e Durrësit.

Bëhet fjalë për bllokimin e 14 apartamenteve dhe 5 ndërtimeve pa leje. Autoritetet gjyqësore të Milanos vite më parë, kanë kërkuar 25 vite burg për Asjan Bucezën, pasi akuzohej për “Pjesëmarrje në organizata kriminale”.

Sipas mediave italiane, ai akuzohet për trafik të sasive të mëdha të heroinës dhe aktivitetin kriminale e kishte të fokusuar në sheshin e Milanos, por edhe në Rimini, Padova dhe Vicenza.

Megjithatë nuk dihet nëse vuan dënimin në Itali apo është i lirë.