Një 48 vjeçar nga Shijaku, i njohur ndryshe si anëtarë i bandës së Avdylajve, është arrestuar sot nga policia, pasi rezulton i dënuar me 24 vjet e 2 muaj burg në Itali.
Saim Gjepalin është dënuar me 24 vjet e 2 muaj burg për veprat penale “Pjesëmarrja në organizatë kriminale” dhe “Trafikimi i lëndëve narkotike”, nga Gjykata e Milanos, Itali.
Operacioni Forca e Ligjit i ka trokitur në derë Saimir Gjepalit, i arrestuar me grupin Avdylaj dhe i akuzuar se ka kërcënuar gardianin e burgut, kohë më parë. Gjepali bashkë me anëtarët e tjerë të grupit të Avdylajve , akuzohen se kanë dhunuar një gardian burgu tek 313.
Palët në fjalë u përplasën me policinë për shkak të një celulari që u gjet në qeli, gjë e cila duket edhe në pamjet e dosjes së gjykatës.
Gjykata e Durrësit ka liruar Saimir Gjepalin, në qershor të vitit 2020.
Në bashkëpunim me autoritetet ligj zbatuese italiane vijon puna për ekstradimin e këtij shtetasi drejt Italisë.
Discussion about this post