I dënuar me mbi 5 vite burg, kapet 53-vjeçari që kërkohej nga Italia

Bajram Mehaj u arrestua nga Policia e Lushnjes, pasi rezultonte person i shpallur në kërkim ndërkombëtar nga autoritetet italiane.

Mehaj, 53-vjeç u arrestua me qëllim ekstradimin drejt Italisë, ku do ti duhet të vuajë dënimin me 5 vjet e 10 muaj burg.

Mehaj është dënuar për kryerjen e marrdhënieve seksuale me dhunë.

Njoftimi nga Policia

I dënuar nga autoritetet gjyqësore të Italisë, me mbi 5 vjet burgim, për marrëdhënie seksuale me dhunë, kapet në Lushnjë dhe vihet në pranga 53-vjeçari.

Pas shkëmbimit të informacioneve ndërmjet Interpol Tiranës dhe Interpol Romës, për vendndodhjen e një shtetasi të shpallur në kërkim ndërkombëtar, për llogari të Italisë, shërbimet e njësisë së specializuar FAST Albania, në bashkëpunim me shërbimet e Komisariatit të Policisë Lushnjë, bënë të mundur kapjen në fshatin Tërbuf, Lushnjë, si dhe arrestimin provizor, me qëllim ekstradimin, e shtetasit Barjam Mehaj, 53 vjeç.

53-vjeçari ishte shpallur në kërkim ndërkombëtar pasi Gjykata e Novarës, Itali, e ka dënuar me 5 vjet e 10 muaj burgim, për veprën penale “Marrëdhënie seksuale me dhunë”, të parashikuar nga Kodi Penal i Italisë.

Interpol Tirana vijon të bashkëpunojë me partnerët italianë, për ekstradimin e shtetasit B. M., në Itali.