Një shqipar, i dënuar për trafik drogë në Britaninë e Madhe po lufton të qëndrojë në mënyrë që familja e tij të ketë kujdes më të mirë shëndetësor, sipas mediave britanike.
Toni Boboshi, i arrestuar si kreu i një grupi kriminal që kontrollonte një rrjet prej 6 milionë paundësh të kanabisit të rritur në shtëpi bari kërkon të qëndrojë në Angli pas daljes nga burgu.
Gati 30 persona ishin të punësuar dhe Boboshi, 49 vjeç, përdorte shqiptarët për të pastruar të ardhurat përmes llogarive të tyre bankare në Mbretërinë e Bashkuar.
Ai u dënua me gjashtë vjet në 2018, por u lirua nga burgu pas 30 muajsh. Sekretarja e Brendshme Suella Braverman dëshiron ta dëbojë atë, por ai ka nisur një betejë ligjore për të qëndruar.
Ai pretendon se do të ishte “shkatërruese” për djalin e tij autik. Shërbimi i Provës vlerëson se Boboshi konsiderohet si një “rrezik i ulët” për të përsëritur veprën penale, sipas një gjykate të emigracionit ditën e djeshme.
Por Alain Tan, oficer i lartë prezantues i Zyrës së Brendshme, i tha gjykatës se gjyqtari në një seancë të mëparshme, të cilën Boboshi po e apelon mori vendimin e duhur.
Gjyqtari i apelit do te japë vendimin e tij në një datë të mëvonshme
Discussion about this post