Burgu i Koridalos në Greqi është përfshirë së fundmi nga trazirat. Dy të burgosur të repartit të katërt po përpiqeshin të arratiseshin, por u parandaluan nga punonjësit e sigurisë të cilët u njoftuan në kohë. Konkretisht, informacioni ka mbërritur në Sekretariatin e Përgjithshëm të Politikës Antikriminale, i cili ka dhënë udhëzime për hetimin e kryer në IEVP I.
Nga hetimi u konstatua se dy të burgosurit e huaj, një shqiptar dhe një palestinez, të cilët vuajnë dënimin për grabitje dhe vepra të tjera, kishin prerë kangjellat e qelisë për t’u arratisur por pa sukses.
Në një qeli ngjitur është gjetur edhe një pajisje celulari, e cila mund të ketë lidhje me tentativën e arratisjes, ndërkohë kjo pajisje është sekuestruar në cilësinë e provës materiale dhe po hetohet për çfarë qëllimi është përdorur.
Nëndrejtoria e Sigurisë së Pireut po kryen hetimet paraprake për ngjarjen.
Discussion about this post