Ditën e sotme policia e Tiranës ka vën në pranga një 27-vjeçar. Në kuadër të operacionit policor të koduar “Three”, është arrestuar Rigers Mahmuti, banues në Tiranë.
Lidhur me ngjarjen bëhet me dije se mbi 27-vjeçqarin rëndonte akuza “Plagosja e rëndë me dashje” kryer në bashkëpunim.
“Finalizohet operacioni policor i koduar “Three”, i zhvilluar nga Komisariati i Policisë Nr. 5. Shërbimet e Komisariatit të Policisë Nr. 5, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetasi në kërkim, organizuan dhe finalizuan operacionin policor të koduar “Three”. Në kuadër të këtij operacioni u bë kapja e shtetasit: Rigers Mahmuti, 27 vjeç, banues në Tiranë.”
Kujtojmë se ky shtetas ishte shpallur në kërkim, pasi Gjykata e Rrethit Gjyqësor Tiranë e ka dënuar me 3 vjet burgim, për veprën penale “Plagosja e rëndë me dashje”, kryer në bashkëpunim.
Discussion about this post