I shpallur në kërkim pasi një ditë më parë vrau në mënyrë makabre një mace, ngjarje që u publikua dhe me video, Vlash Marku ka guxuar të sfidojë Policinë e Shtetit. Me biçikletë si është afruar në Bashkinë e Tiranës dhe ka vendosur një shishe me lëndë djegëse poshtë makinës së Drejtorit të Ujësjellës Kanalizimeve Tiranë, Taulant Tusha.
Marku ka ndezur zjarrin, por duke qenë në një zonë të mbikëqyrur nga kamerat, ngjarja është pikasur shpejt dhe flakët janë shuar pa shkaktuar dëme materiale.
Por, autori është larguar. Për herë të dytë, ai u ka shpëtuar prangave të policisë. Një ditë më parë, Marku u shfaq në një video në të cilën shihej teksa godiste me këmbë në fyt një mace deri në momentin që macja ngordh.
Pranë tij ndodhej një grua që pret me një qese në dorë për të marrë trupin e katërputroshes dhe për ta zhdukur. Sot përmes një njoftimit zyrtar, policia njoftoi se e kishte shpallur në kërkim Markun. 47-vjeçari rezulton të ketë qenë i dënuar më herët për vrasje.
Discussion about this post