Një nga të burgosurit që ka përfituar ulje dënimi falë falsifikimit të orëve të punës është dhe Katriot Prenga, i cili rezulton të ketë një skedë të “pasur” kriminale.
Ai është arrestuar nga Policia e Vlorës më 01 dhjetor të viti 2014 ku iu gjetën kallëpe eksploziv të llojit C4 që mendohet se kanë hyrë nga Mali i Zi. Më parë ai ishte dënuar për akuzën e vrasjes.
Në dosjen hetimore shihet se Prenga ka përfituar 15 ditë ulje dënimi falë falsifikimeve të kryera nga punonjësit e burgut vtë Fierit.
Pjesë nga dosja:
Në dosjen penale të dënuarit Kastriot Prenga, ka rezultuar se ;
Për këtë të dënuar nga ana jonë janë verifikuar 78 ditë pune në IEVP Fier, të shënuara në kartelat e punës, për periudhën Janar, Shkurt, Mars 2020.
Nga këqyrja në regjistrin e hyrje daljeve nr.68 protokolli datë 26.02.2018, i cili fillon me datën 04.07.2019 dhe përfundon me datë 05.09.2020 dhe rezulton se i dënuari Kastriot Prenga, ka dalë në punë 1 ditë e konvertuar në ulje dënimi 0.15 ditë konkretisht;
Për muajin janar, nuk ka dalë për punë dhe në kartelën e punës është e shënuar 26 ditë punë.
Për muajin Shkurt ka dalë për punë me datë 2 dhe në kartelën e punës është e shënuar 26 ditë punë.
Për muajin Mars 2020 nuk ka dalë për punë dhe në kartelën e punës është e shënuar 26 ditë punë.
Referuar Urdhrit nr.2259, datë 18.03.2008 të Drejtorit të Përgjithshëm të Burgjeve “Mbi punësimin e të dënuarve në burgje dhe paraburgime”. Komisioni i Punësimit i burgosurve ka në përbërje shefat e sektorit ligjor, social, shëndetësisë dhe sigurisë, të cilët ndjekin në dinamikë frekuentimin e procesit të punësimit nga i burgosuri.
Personat përgjegjës që nuk kanë verifikuar frekuentimin e punës nga të dënuarit janë Përgjegjësi i Sektorit të Burimeve Njerëzore Albi Rrezhda, Dorjan Nukaj, Përgjegjësi i Sektorit të Cështjeve Shoqërore, Eris Isufaj, Përgjegjësi i Sektorit Ligjorë Gerald Nonaj Shefi i Policisë Bashkim Meci Përgjegjësi i Sektorit Shëndetësore Arbëri Gjermeni, Enflor Hoxha. Personat përgjgjës të cilët kanë nënshkruar kartelat e punës janë, evidencieri Gerald Nonaj dhe Miratuar nga Drejtori i IEVP
Si rezultat i falsifikimit të ditëve të punës nga IEVP Fier në kundërshtim me kriteret e saj i dënuari ka përfituar rreth 11.7 ditë ulje dënimi, nga veprime haptazi të kundra ligjshme kur realisht duhej të përfitonte 0.15 ditë ulje dënimi nga puna.
Por çfarë ka ndodhur në burgun e Fierit?
18 punonjës dhe ish-punonjës të Burgut të Fierit akuzohen për vepra të ndryshme penale të zbuluara gjatë një hetimi disa mujor, të nisur që nga muaji maj në bashkëpunim me Prokurorinë e Tiranës dhe SHKB-në e Burgjeve. Të ndaluarit mbajnë postet e përgjegjësve të një sërë sektorëve në burgje, si ai i shëndetësisë, ligjor, i kujdesit social apo burimeve njerëzore. Të gjithë, në bashkëpunim me njëri-tjetrin, ata akuzohen për vepra të ndryshme penale, kryesisht falsifikime në favor të uljes së dënimeve të të burgosurve, duke i liruar para kohës së caktuar për të vuajtur dënimin e tyre.
Shkeljet e gjetura: -19 raste vlerësime sjellje për ulje dënimi janë pasqyruar fakte dhe rrethana të rreme në lidhje me procesin e rehabilitimit e të dënuarve; -6 raste vlerësim sjellje për lirim me kusht janë pasqyruar fakte dhe rrethana të rreme në lidhje me procesin e rehabilitimit e të dënuarve; -28 të dënuarve ju janë dhënë ditë pune në mënyrë fiktive nga IEVP Fier, nëpërmjet falsifikimit të dokumenteve ose shpërdorimit të detyrës e kryer nga punonjës të IEVP Fier: -1 rast i të dënuarit që ka përfituar amnisti, për të cilën nuk ka asnjë dokument referues për dhënien e amnistisë.
Discussion about this post