Një personazh i njohur i botës së krimit është arrestuar mbrëmjen e djeshme në Tiranë.
Mësohet se Kotorri kishte pasur një konflikt me një person tjetër dhe në momentin kur efektivët kanë mbërritur në vendin e ngjarjes për ta shoqëruar në komisariat, ai i ka kundërshtuar.
49-vjeçari Elidon Kotorri në vitin 2000 u dënua me burgim të përjetshëm për vrasjen e trefishtë të Andi Hasanit, Sokol Alushit dhe Gazmend Zenelit. Por, ai sot është i lirë pasi çështja ndaj ti u rihap në 2015-ën nga një vendim i Gjykatës së Strasburgut.
Kjo e fundit gjeti shkelje në proces duke e rikthyer për gjykim. Shkalla e parë në Tiranë pranoi gjykimin e shkurtuar dhe e dënoi me 25 vite, nga të cilat Kotorri ka kryer rreth 20, ndërsa ka përfituar edhe ulje. Nga hetimet rezultoi se Kotorri e kreu vrasjen për hakmarrje, pasi Andi Hasani në vitin 1998 kishte vrarë mikun e tij Elton Zajmi.
Gjithashtu, Kotorri ka qenë në hetim në gjendje të lirë nga Policia e Tiranës në janar të vitit 2023 në kuadër të aksioni për heqjen e kamerave të sigurisë të vendosura në kundërshtim me ligjin që u shtri në disa qytete.
Discussion about this post