42-vjeçari polak, Sebastian Bijak është vënë në prangat e Policisë së Tiranës, pasi ishte në kërkim ndërkombëtar. Shtetasi polak ishte dënuar në Poloni me 13 vjet burg si pjestar i një bande kriminale dhe për kryerjen e tre veprave penale.
Gjykata e Varshavës-Pragës e ka dënuar këtë shtetas, me 13 vjet burgim, për krime në fushat e armëmbajtjes pa leje, mashtrimit dhe posedimit të sendeve të vjedhura, si dhe për pjesëmarrje në grup kriminal, vepra këto të dënuara sipas parashikimeve të Kodit Penal të Polonisë.
Sakaq, lidhur me ngjarjen Interpol Tirana dhe Varshava po punojnë për ekstradimin e 42-vjeçarit drejtë Polonisë.
Discussion about this post