Shoku i qelisë së Saimir Zefit, Niko Kordhishti nga Fieri ka deklaruar se është arrestuar pa pasur asnjë denoncim ndaj tij nga policia greke. Në një intervistë për emisionin “Pa gjurmë”, Niko Kordhishi tha se edhe atë e ka dhunuar Policia greke, por nuk janë ndalur me aq, duke shtuar se shqiptarëve iu grabisin edhe shtëpitë. Ndër të tjera ai kërkoi vëmendje nga ambasada shqiptare, për të cilën u ankua se as telefonat nuk u kapnin.
Odeta Dume: Zotëri ti je një shqiptar tjetër që ndan qelinë me Sajmirin, nëse ke diçka që dëshiron ta thuash, si quheni?
Niko Kordhishti: Përshëndetje! Unë jam Niko Kordhishti, nga Fieri
Odeta Dume: Sa jeni dënuar?
Niko Kordhishti: Unë jam një kuzhinier ekselent, jam dënuar 20 vjet pa fakte, pa prova, pa më denoncuar njeri, vetëm se jam shqiptar. Kam 2 vite e gjysmë brenda. Kam bërë shumë denoncime në shtetin grek, por janë të korruptuar dhe nuk e gjejmë dot anën ne, sidomos këtu nga burgu, vetëm shteti ynë po na ndihmoi, nëse ka shtet. Në burgjet greke janë 60% e shqiptarëve të dënuar me dënime skandaloze, vetëm për racizëm. Janë të rrahur nga policia. Unë kam dy fëmijë të vegjël, kam nusen greke. Në orën 7:30 të mëngjesit më kanë marrë me dhunë nga shtëpia dhe më ka rrahur policia kot. Kam kaluar edhe paralizë.
Odeta Dume: Jeni akuzuar dhe dënuar për çfarë?
Niko Kordhishti: Unë jam dënuan kot për vjedhje dhe grabitje, por unë s’kam bërë as vjedhje asgjë, se nuk kam nevojë ta bëj këtë. Nuk më akuzon kush, vetëm se e thotë gjykata
Sajmir Zefi: Unë Odeta i bie të dal gushtin e vitit tjetër nëse nuk m’i kanë shtuar ato 5 muaj tani
Niko Kordhishti: Policët jo vetëm që na arrestojnë po na grabisin në shtëpitë tona, dhe i bëjmë thirrje ambasadave të na hapin telefonat.
Lajmi për Saimir Zefin, shqiptarin nga Puka bëri bujë në mediat shqiptare dhe ato greke. Zefi thotë se pasi u dënua në mungesë nga gjykata në Korydallos për grabitje, ky i fundit kishte kërkuar që të ishte i pranishëm gjatë seancës por si pasojë u dhënua barbarisht në furgon dhe më pas u la në burg me një helmetë në kokë që të mos i dalloheshin shenjat e dhunës.
Discussion about this post