Deputetja e Partisë Demokratike Grida Duma ka deklaruar se nuk ka asnjë komunikim me liderin e mëparshëm të kësaj force politike, Lulzim Basha.
Ajo shtoi se vetë ka qenë një nga zërat kryesore që ka kërkuar dorëheqjen e Bashës, si përgjegjës për humbjen e zgjedhjeve të pjesshme vendore të 6 marsit.
“E natyrshme se kam qenë ndër personat që kam qenë më e zëshme në marrjen e përgjegjësisë së tij (Bashës). Është e natyrshme. Nga pikëpamja njerëzore nuk doja të vendoseshim në asnjë pozitë me njerëzit që kemi bashkëpunuar. Nga pikëpamja politike jemi të detyruar të kuptojmë të vërtetat”, tha Duma në A2CNN.
E pyetur nëse Berisha dhe Basha mund të jenë bashkë në terren në fushatë, Duma u përgjigj se: “Nuk shoh asnjë problem këtu për të kërkuar vota për demokratët. Basha i detyrohet demokratëve”.
Sa i takon ambicies se saj politike në prag të zgjedhjeve lokale, Duma u përgjigj se për momentin nuk ka ambicie në PD.
“Rrugën ta mëson përpjekja, nuk ka rrugëtim politik me hartë të përcaktuar. Nuk është ky momenti për të bërë diskutime për ambicien time. Unë jam në disa detyra në PD dhe përfaqësoj opozitën sa mundem dhe besoj që e bëj mirë këtë”.
Discussion about this post