Idriz Batha largohet nga Rumania, por nuk është çudi të vishet bardheblu. Ish-kapiteni i Tiranës është lojtar i lirë dhe tani mund të vijë në Superiore. Skuadra bardheblu mund të ketë një vend për ish-kapitenin e sezonit 2020- 2021.
Në fakt, klubi nga Aradi konfirmoi dje zyrtarisht ndarjen me shqiptarin Idriz Batha. Mesfushori i ardhur në Arad nga KF Tirana ka qenë një futbollist mjaft i rëndësishëm në dy sezonet e fundit, duke pasur 76 ndeshje aktive për bardhekuqtë në të gjitha garat.
Për sa i përket arritjeve, dy vitet e kaluara në UTA, Batha shënoi vetëm një gol dhe dha dy asiste vendimtare, shifra shumë më e ulët se ato të regjistruara për skuadrat shqiptare.
Në sezonin e përfunduar së fundmi, futbollisti 31-vjeçar ishte i dyti në renditjen e minutave të luajtura për lojtarët e Aradit, vetëm pas kapitenit Alexandru Benga.
Discussion about this post