KPA vendos shkarkimin e prokurorit të Tiranës, Adnand Xhelili, duke i dhënë kështu të drejtë KPK. Xhelili ishte i shkarkuar nga KPK-ja, ndërkohë që e ankimoi vendimin në Kolegj, Por Kolegji vendosi që të linte në fuqi vendimin e KPK-së. Vendimi për shkarkimin e tij u bë për shkak se fillimisht kishte bërë deklarim të rremë dhe më pas nuk mundi të justifikonte pasurinë.
Kujotjmë se në shkurt të 2020 ai u shkarkua nga KPK , pasi Komisioni identifikoi mungesë burimesh të ligjshme për një apartament në Tiranë dhe ndërtimin e një shtëpie 3-katëshe në Borsh . Gjatë seancës dëgjimore të zhvilluar më 31 janar, Komisioni evidentoi mungesë burimesh financiare të ligjshme për blerjen e një apartamenti me sipërfaqe 117 m2 në Tiranë nga Enti i Banesave si edhe për ndërtimin e një shtëpie 3-katëshe në Borsh të Lukovës. Gjithashtu, u konstatuan edhe mospërputhje të të dhënave të pasqyruara në deklarata dhe atyre që figuronin në dokumentacionin zyrtar të siguruar gjatë hetimit administrativ. Gjatë fjalës së tij, prokurori Xhelili tha se ishte i ndërgjegjshëm për problemet, por theksoi se çdo gjë e kishte fituar me ndershmëri. Ai i kërkoi Komisionit të vlerësohej edhe për dy kriteret e tjera.
Discussion about this post